Tartas

Dividimos as nosas creacións en dous tipos principalmente: tartas escultura e tartas decoradas. A diferenza principal é que nas primeiras toda a tarta ten a forma dun obxecto ou composición de varios, o segundo tipo é unha tarta con forma cadrada o redonda de un ou varios pisos sobre a que dispoñemos a decoración. A decoración pode ser pintada, en relevo, con figuras exentas ou todo combinado.

Para nós é tan importante o sabor como a decoración e pensamos que, se estamos dispostos a facer un deseño personalizado, tamén podemos facer a receita que ti prefiras, a túa favorita, facemos as tartas recheas do que queiras: chocolate, mousse, nata, merengue, crema, froitas … con biscoito tamén do sabor que máis che guste. Tamén podemos facer receitas clásicas como red velvet, sacher, etc. Para nós é fundamental que o sabor sexa tan saboroso como espectacular a decoración.

O noso traballo coas tartas é exclusivamente previo encargo. Facemos as nosas tartas con toda a dedicación que cada proxecto require e cos nosos deseños. Non temos un prezo estándar, e imposible dada a particularidade de cada proxecto, de modo que pídenos presuposto sen compromiso e responderémosche da maneira máis clara posible. No prezo inflúe o número de racións, a complexidade do deseño, os ingredientes e se hai que portala ou vés ti a por ela.

Se queres facernos un encargo debes prevelo a lo menos cunha semana de antelación se é posible e tratar de ser o máis concreto que podas cos teus desexos sobre a tarta para o teu evento para que todo saia o mellor posible. Leva tempo deseñar a tarta e mercar tódolos ingredientes ben fresquiños e queremos que todo saia perfecto para que o desfrutedes ó máximo.